Rama mbërrin në tokën greke, shqiptarët e presin në stadium me flamuj kuqezi

Kryeministri Edi Rama tashmë ka mbërritur në tokën greke ku pritet të zhvillojë takimin me shqiptarët të cilët jetojnë në Athinë, ai u prit nga Ambasadorja e Shqipërisë në Greqi, Luela Hajdaraga.

Rama ka mbërritur në Athinë i shoqëruar nga afërsisht 150 persona, midis tyre janë anëtarë të kabinetit të tij, deputetë dhe 50 gazetarë.

Emigrantët shqiptarë kanë mbushur sallën “Christmas Theater” në stadiumin Galatsi të Athinës në pritje të këtij takimi. Ajo që vihet re nga pamjet e siguruara nga Euronews Albania, është se në stadium mbizotërojnë ngjyrat kuq e zi, ndërsa mungojnë simbolet e Partisë Socialiste.

Kjo është një nga vizitat më të komentuara të kryeministrit Rama në Greqi pasi vjen në një kohë kur prej një viti marrëdhëniet Shqipëri-Greqi janë të tensionuara.

Sipas kryeministrit Rama kjo vizitë vjen në kuadër të procesit të rienergjizimit të Partisë Socialiste dhe ka në fokus forcimin e lidhjeve me bashkëatdhetarët.

E megjithëse nuk është bërë asnjë përpjekje për ta ndaluar këtë takim në tokën greke, kryeministri Mitsotakis, ka deklaruar më herët se një lëvizje e tillë “mund të shmangej”.

Kujtojmë se ky takim zhvillohet fiks një vit pas burgosjes së Fredi Belerit, perzonazh i cili “u bë mollë sherri” mes Tiranës dhe Athinës zyrtare.

LEXONI GJITHASHTU:

• “Mesazhi që Rama kërkon t’i japë Greqisë”, Sideris: Do i’i tregojë se ka… 
• Rama bisedë telefonike me kryeministrin Rishi Sunak, zbardhen temat e diskutuara