Ditën e sotme kryeministri Edi Rama do të mbledhë qeverinë në Dajt, për nisjen e sesionit të ri politik pas një pauze të pushimeve të verës.

Euroneës Albania ka mësuar se mbledhja do të zhvillohet tek vila qeveritare në Dajt duke nisur nga ora 10:00 deri në orën 18:00.

Secili prej ministrave do të prezantojë objektivat e punës për sezonin e ri në dikasterin që mbulon.

Po ashtu në fokus pritet të jetë edhe vendosja e objektivave për muajt në vazhdim. Në takim do jenë pjesëmarrës ministra, drejtues të organeve të varësisë dhe të kryebashkiakëve.

Në mbledhjen e qeverisë, pritet të bëhet analizë e Progresit dhe Strategjive dhe të diskutohet për zgjedhjet parlamentare të vitit të ardhshëm, 2025.

Ndërkohë, më 8 shtator Edi Rama do të mbledhë strukturat e partisë, e saktësisht Asamblenë e dalë nga Kongresi i 28 korrikut.

Asambleja e re do të mblidhet në Durrës dhe do të zgjedhë kryesinë. Po në këtë mbledhje do të zgjidhet edhe sekretariati i ri i partisë. Me interes priten edhe ndryshimet e mundshme në drejtuesit politik të qarqeve, pak muaj përpara zgjedhjeve të ardhshme parlamentare.

LEXONI GJITHASHTU:

• Rama mbledh qeverinë të dielën në Dajt, më 8 shtator Asambleja në Durrës
• PD kërkesë për interpelancë urgjente me kryeministrin Rama për mbetjet toksike