Rama: Më ra puna e vështirë e lamtumirës, mos vdeksh kurrë Fatos Nano

Kryeministri Edi Rama gjatë fjalimit të tij të lamtumirës për ish-kryeministrin, Fatos Nano u shpreh se kur mori vesh lajmin e sëmundjes së tij nuk e mendonte kurrë se do ta shikonte në arkëmort.

Ai u kthye pas në kohë ku u shpreh se me Nanon ndanë bukën dhe se ai u “birësua” nga Partia Socialiste. Në përmbyllje të fjalës së tij, Rama tha se nuk po thotë lamtumirë por “Mos vdeksh kurrë Fatos Nano”.

“I dashur Fatos, Do të më mungojnë darkat e rralla miqësore, komunikimi ynë si mes shoferit të turnit të parë me shoferin e turnit të dytë për të njëjtën makinë, ku e kuptonim njeri-tjetrin në ajër dhe ku, kur ndodhte të ndanim ndonjë dilemë strategjike, këshillat e tua vinin të qëruara mirë, duke më ndihmuar shumë për të vënë pikën mbi “i”.

Ndërkohë që kur mendoj se çfarë katër rrotaku sovjetik more ti në dorëzim në turnin e parë, me çfarë mjeti më të mirë mora unë prej teje në të dytin për ta kthyer PS në brandin e shpejtësisë për Shqipërinë europiane që është sot, më vjen krejt natyrshëm të mos të të them lamtumirë, por thjeshtë mos vdeksh kurrë Fatos Nano”, tha Rama.

LEXONI GJITHASHTU:

• Bashkëshortja e Fatos Nanos: E donte me shpirt Shqipërinë, nuk bënte asgjë përgjysmë
• “Vdis pa të të dua”, Rama lamtumirë për Nanon: Sa të paskan dashur, edhe ata që…