Kryeministri Edi Rama përmes një mesazhi videon bëri thirrjen e fundit për shqiptarët e diasporës që të bëhen pjesë e procesit zgjedhor të 11 majit, që e cilësoi takim me historinë.

Sipas Ramës, shqiptarët e diasporës nuk duhet të humbin shansin që iu dha për herë të parë në histori që të votojnë drejtpërdrejtë nga vendet ku jetojnë, në një palë zgjedhje që përcaktojnë të ardhmen evropiane të vendit.

“Dua t’i jap mesazhin e fundit shqiptarëve të diasporës në Greqi, Angli, Itali, Gjermani ku ende ka zarfe që janë nëpër shtëpi dhe ku ende ka kohë për t’u bërë pjesë e takimit historik të 11 majit për të takuar historinë me shumicën e shqiptarëve që në 11 maj do përcaktojnë rrugën e fatit evropian të Shqipërisë. Jeni në kushtet kur për herë të parë në histori mund të votoni nga vendet ku jetoni dhe keni shansin historik të merrni pjesë në një palë zgjedhe që do të përcaktojnë ku do të jetë Shqipërua në 2030, si do përmbyllë negociatat në 2027”, apeloi Rama.

LEXONI GJITHASHTU:

• Rama bën parashikimin e zgjedhjeve në Kuç, firmos “memorandumin”: Sa mandate marrim
• Rama: U miratua hapja e 8 grup-kapitujve të tjerë, 11 maji përcakton fatin evropian