Rama në 9 vjet s’ka bërë asnjë kallëzim ndaj Berishës, thotë Braho

Juristi, Ledio Braho thotë se SPAK mund të nisë hetime për ish-kryeministrin Berisha jo vetëm përmes kallëzimit por edhe të ndërmarrë hetim kryesisht për faktet që njihen.

Braho tha se SHBA në shpalljen ‘non grata’ të Berishës për korrupsion dhe minimin e demokracisë por nuk janë cituar fakte penale.

Juristi tha se kryeministri Rama ndonëse i bën thirrje SPAK për hetimin e Berishës në 9 vite qeverisje nuk ka bërë asnjë kallëzim kundër ish-Kryeministrit.

Sipas Brahos në momentin që nuk ka asnjë kallëzim nuk mund t’ia faturojë SPAK-ut mos hetimin.

“Nuk janë përmendur ngjarje konkrete. SPAK që të nisë hetim për Berishës duhet të ketë fakt penal. Në këtë rast jam dakord me drejtuesin Kraja, ku Rama ka 9 vite në pushtet dhe mund të bënte audit për veprimtarin e qeverisë Berisha dhe mund të bënte kallëzim penal për të gjitha shkeljet”, tha Braho.

Ai shtoi se deklarimet e Ramës janë bërë të gjitha në aktivitete të PS dhe e gjitha thotë se duket si presion poliitk.

LEXONI GJITHASHTU:

• SPAK të hetojë 21 Janarin dhe Gërdecin, thotë Rama
• Berisha: Të rihetohet 21 janari, Rama ka përgjegjësi si organizator