Rama në Bashkinë e Tiranës, nënkryetarja Anuela Ristani emërohet administratore

Pas një vizite të dytë të Kryeministri Edi Rama këtë të martë në Bashkinë e Tiranës është vendosur që Anuela Ristani do të jetë administratore politike ndërsa Alban Dokushi administrator për të çuar para punët e bashkisë.

Anuela Ristanit do ti delegohen detyrat e kryebashkiakut të Tiranës pasi ky i fundit, u arrestua mesditën e djeshme me urdhër të SPAK. Ristani aktualisht mban postin e zv.kryetares së Bashkisë së Tiranës.

I pyetur nga gazetarja e Euronews Albania, Enkelejda Mema, se kush do ta drejtojë bashkinë, Rama ka bërë një shenjë nga monumenti i Skënderbeut në shesh.

Pas rreth 25 minutash qëndrimi në bashki në orët e pasdites Rama është larguar ndërsa po ditën e sotme rreth orës 11:38 ai zhvilloi takim me nënkryetarët.

Vizitat e kryeministrit Rama në ambientet e bashkisë vijnë një ditë pas arrestimit të kryebashkiakut Erion Veliaj.

LEXONI GJITHASHTU:

• Kryeministri Rama shkon për të dytën herë brenda ditës te Bashkia Tiranë
• Rama përgënjeshtron BIRN: Deklarata që dhashë për Veliajn dhe SPAK-un