Kryeministri Edi Rama nis zyrtarisht vizitën dyditore në Gjermani. Gazetarja e “Euronews Albania”, Eksiola Shehu, raportoi nga Berlini se Rama do të takohet mesditën e sotme në orën 12:30 me kryebashkiaken e qytetit, Franziska Giffey.

Më pas, rreth orës 15:20, do të zhvillohet takimi i kryeministrit Rama me Presidentin e Gjermanisë, Frank-Walter Steinmeier.

Kreu i qeverisë do të ketë edhe një takim me kancelarin Olaf Sholc, që pritet të zgjasë 15 minuta. Pas këtij takimi, do të mbahet një konferencë e përbashkët në Bundestag.

Pjesë e diskutimeve, do të jetë integrimi i Shqipërisë në Bashkimin Europian, bashkëpunimi midis dy vendeve si dhe lufta në Ukrainë.

Gjatë vizitës kryeministri shoqërohet nga Taulant Balla, Delina Ibrahimaj, Elisa Spiropali dhe Arbjan Mazniku.

LEXONI GJITHASHTU:

• Rama në Gjermani, takim me kancelarin Sholc
• Rama kritikon SPAK: Mos shikoni as majtas, e as djathtas