Kryeministri Edi Rama ka vijuar edhe këtë të martë me rubrikën e tij “Sy m’sy” në rrjetet e tij sociale.

Nga bashkëbisedimi që zhvillon me qytetarët të cilët komentojnë, Rama foli për Bashkimin Evropian që e ka të nevojshëm zgjerimin e saj, por gjithashtu shprehet i bindur se BE beson tek Shqipëria.

“Kalendari i vendosur për mbylljen e negociatave përkon me të gjitha rrethanat e krijuara nga bashkimi i yjeve në kuptimin më të mirë të fjalës. BE është sot më e interesuar se kurrë për zgjerimin dhe sheh tek ne një aktor me besueshmëri të lartë, të respektuar dhe një protagonist të procesit të reformave në BP, pra bashkë me Malin e Zi një anëtar potencial. Është gjeopolitika ajo që ndikon në përshpejtimin e procesit, por ka edhe diçka tjetër, pavarësisht nevojës që ka BE sot për të zgjeruar radhët e veta, BE nuk të fal absolutisht asgjë në asnjë rrethanë për asnjë arsye. BE mund të jetë e padrejtë kur ti e meriton të hedhësh hapin tjetër e për arsye të brendshme të thotë jo, na e ka bërë ne, por BE nuk është bamirëse dhe kërkon që kë afron ta ketë si veten me standardet e veta”, tha Rama.

LEXONI GJITHASHTU:

• “Rreth 20 deputetë të rinj”, çfarë pritet të ndodhë në seancën e Kuvendit të Kosovës
• Vance shpreh optimizëm për marrëveshjen tregtare SHBA-MB, kritikon Evropën