Rama nga Himara për turizmin në vend: Numri është rritur me 150%, ka shumë ofertë

Kryeministri Edi Rama ka folur nga Himara për numrin e turistëve që kanë ardhur në Shqipëri këtë vit, krahasuar me vitin e kaluar.

Sipas tij, teoria që numri i turistëve është ulur, bie poshtë sepse shifrat tregojnë që numri i turistëve për këtë vit është 150% më i lartë se vitin që lamë pas, edhe pse një pjesë e tyre ankohen për çmimet e papërballueshme në jug të vendit.

“Jo që s’ka rënie, po turistët e huaj krahasuar me vjet janë rritur rreth 150%. Problemi është që, patjetër që në vende të caktuara si Palasa, Ksamili kanë pasur një kërcim irracional të çmimeve, po kjo është çështje e tregut. Çështja kryesore është që hotelet janë supër plotë, ndërkohë që numri i restoranteve është rritur në krahasim me numrin e shtretërve. Ka shumë ofertë dhe restorantet që kanë rritur çmimin, kanë bërë që klientët t’ju drejtohen vendeve më të arsyeshme.” –tha kreu i vendit.

Kryeministri Rama tha se një tjetër arsye është edhe antipropaganda, duke sjellë në vëmendje një artikull të “Corriere della Sera” të Milanos, ku për një plazh në Itali thuhej se kishte ulur çmimet për shkak të konkurencës me Shqipërinë.

Gjithashtu solli në vëmendje edhe shtimin e pushuesve që vijnë nga Kosova, ku u shpreh kështu:

“Shqiptarët e Kosovës vijnë më shumë këtë vit sesa vjet, rreth 130 mijë automjete që kanë hyrë në Morinë. Më korrik është pak më shumë se vjet. Ne patjetër kemi nevojë të shikojmë politikën e plazheve, kemi zbatuar atë 30 për qindëshin, po në mënyrë vertikale dhe tani po punojmë edhe me një ekspertizë ndërkombëtare. Do vendosim një tjetër kriterë të uljes së numrit të çadrave të privatit.”

LEXONI GJITHASHTU:

• Rama i përgjigjet akuzave të PD nga Himara: “Regjimi” im nuk ua dha pronat Kolekajve
• Rama nga pushimet në Dhërmi: 1.2 mln pasagjerë në 7 muaj vetëm në Rinas