Rama: Nuk jemi këtu, drejtësia të bëjë punën e vetë dhe ne të bëjmë punë e drejtësisë

Kryeministri Edi Rama gjatë fjalës së tij në Grupin Parlamentar të PS-së u shpreh se ata po punojnë për programin e tyre qeverisë dhe se nuk merren me punën e drejtësisë. Ai gjithashtu komentoi kontrollet e kryera në 40 banesa të cilat sipas tij u kryen për një çështje e cila ka 5 vite.

“Secili duhet të bëj punën  e vet. Ne nuk jemi këtu, drejtësia të bëjë punën e vete dhe në të bëjmë punë e drejtësisë. As në sensin pozitiv dhe as në sensin negativ. Ne jemi këtu për të qeverisur për të çuar përpara proceset tona, për të realizuar programin tonë qeverisës, për të mundësuar zhvillimin ekomomik.

Unë jam shumë i ndjeshëm që zhvillimi ekonomik vihet në pikëpyetje nga tkurrja nga presioni i madh. Të bësh 40 kontrolle banesash ditën e Vitit të Ri do të thotë të mos kesh asnjë ide për efektin psikologjik mbi shoqërinë e cila është mbyllur në shtëpitë e vet me familjen dhe në televizor do të shikoje këngë e valle se është vit i ri ose do shohë sesi kontrollohen banesat e dynjasë për çështje të 5 viteve më parë”, tha Rama.