Rama pas votimit në Asamblenë e KiE për Kosovën: Në maj të vuloset anëtarësimi!

Kryeministri Edi Rama ka reaguar pas votimit të sotëm “Pro” në Asamblenë Parlamentare të Këshillit të Europës, për anëtarësimin e Kosovës në KiE.

Përmes një postimi në rrjetet sociale, Rama e quajti votimin e sotëm një hap historik dhe bëri thirrje që në maj, në Komitetin e Ministrave (që është edhe hapi i fundit që i hap rrugë anëtarësimit), të gjithë duhet të bëjnë gjënë e duhur, vulosjen e këtij anëtarësimi.

Rama tha gjithashtu se mozaikut europian të Këshillit të Europës i mungon një gur i pazëvendësueshëm, që është Kosova.

Reagimi i Ramës:

NJË HAP HISTORIK SAPO U HODH NË ASAMBLENË PARLAMENTARE TË KËSHILLIT TË EUROPËS PËR PRANIMIN E KOSOVËS SI ANËTAR I KOMUNITETIT TË SHTETEVE TË KiE🤝

Urime, urime, urime nga zemra Kosovës dhe faleminderit të gjithë miqve e partnerëve në Asamblenë Parlamentare, që na mbështetën në hedhjen e këtij hapi të drejtë, i cili i dha Kosovës çka i takonte dhe  i bëri nder vetë Këshillit të Europës🙏

Tani hapi i fundit historik në maj, në Komitetin e Ministrave, ku të gjithë duhet të bëjnë të vetmen gjë të duhur:

VULOSJEN E KËTIJ ANËTARËSIMI pa të cilin mozaikut europian të Këshillit të Europës i mungon një gur i pamohueshëm dhe i pazëvendësueshëm🇽🇰

Forca KOSOVË❤️

LEXONI GJITHASHTU:

• Asambleja votoi pro anëtarësimit të Kosovës në KiE, Osmani: Edhe një hap!
• Albin Kurti reagon pas vendimit të Asamblesë: Një ditë e madhe për Kosovën