Asambleja votoi pro anëtarësimit të Kosovës në KiE, Osmani: Edhe një hap!

Presidentja e Kosovës Vjosa Osmani, ka përshëndetur votimin në Asamblesë Parlamentare të Këshillit të Europës, për anëtarësimin e Kosovës në KiE.

Në një postim në rrjetet sociale, Osmani është shprehur se zëri i evropianëve është dëgjuar.

Teksa ka falenderuar të gjithë deputetët që votuan pro, Osmani tha se dhe një hap e ndan Kosovën që të anëtarësohet plotësisht në KiE.

“Zëri i evropianëve është dëgjuar! Faleminderit të gjithëve deputëteve që votuan pro anëtarësimit të Kosovës. Një falënderim i madh për delegacionin tonë dhe të gjithë ata që mbështesin vazhdimisht popullin e Kosovës. Edhe një hap”-shkruan ai.

Shumica e deputetëve të Asamblesë Parlamentare të Këshillit të Evropës mbështeti anëtarësimin e Kosovës në këtë organizatë me seli në Strasburg.

Për votuan 171 deputetë, këndër ishin 29 kurse 11 abstenuan.

Asnjë nga amendamentet e propozuara nga Serbia nuk u miratuan.

Kosova bëri një hap drejt anëtarësimit në Këshillin e Europës më 27 mars. Me gjithë votën kundër të Serbisë dhe dy vendeve të tjera, Komiteti për Politikë dhe Demokraci i KiE e miratoi raportin e raportueses për Kosovën, Dora Bakoyannis, i cili rekomandon se vendi ika plotësuar kushtet për t’u anëtarësuar plotësisht në Këshillin e Europës.

Çështja tashmë kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.

LEXONI GJITHASHTU:

• Albin Kurti reagon pas vendimit të Asamblesë: Një ditë e madhe për Kosovën
• Asambleja votoi pro anëtarësimit të Kosovës në KiE, Osmani: Edhe një hap!