Rama për hedhjen e molotovëve: Turp gjykatësit, i lirojnë zjarrvënësit sapo i arreston policia

Kryeministri Edi Rama reagoi përsëri nga ambientet e Vila 31 Art Explora, duke komentuar hedhjen me molotov ndaj godinës për të cilën Rama nënvizon se sot shërben si rezidencë për artistë ndërkombëtarë.

Rama akuzoi organizatorët e e këtij veprimi dhe kritikoi ashpër gjyqtarët që, sipas tij, lirojnë personat e arrestuar për akte të tilla.

Rama theksoi se sulmi nuk cenon vetëm një godinë, por imazhin e vendit.

Reagimi i plotë:

 “Jam këtu me Drejtoren ekzekutive të fondacionit Art Explora. Vila 31, ish-shtëpia e diktatorit, selia e fondacionit prestigjioz Art Explora, që u godit mbrëmë nga flakët e plehrave të kazanit të ligësisë tetëdhjetë e kusur vjeçare, për turpin e madh jo të kriminelëve të paguar për të hedhur bombat artizanale që prodhohen në selinë e PD-së, as për turpin e PD-së, se PD-ja është një coftinë që s’ka më as fuqi të ketë turp, po për turpin e atyre gjykatësve që paguhen si frëngu pulën nga taksat e shqiptarëve dhe i nxjerrin prapë në rrugë zjarrvënësit sapo i arreston policia”.