“Rama po i kthen kusurin Berishës”, Shameti: Qeveria e cakton se kush është opozita

Gazetari Sokol Shameti tha për “Barometrin” se kryeministri Rama po ia jep kurorën e kreut të opozitësa, Berishës dhe Metës.

Sipas Shametit, Edi Rama është duke bërë të njëjtën gjë që ka bërë Berisha në 2005 kur Rama u vendos në krye të Partisë Socialsite dhe ishte në opozitë.

“Ka shumë kohë në Shqipëri, që ai që të vë kurorën e përfaqësuesit të opozitës është qeveria. Nëse e mbani mend kur Rama mori Partinë Socialiste, diku nga 2005 për një kohë të gjatë, Berisha nuk i përmendte as emrin.

Fare! Zero! Nuk e njihte për kundërshtar. Rama i mori spaletat e kryetarit të opozitës, kur Berisha e njohu si kundërshtar, këtë gjë tani Rama po ia jep Berishës dhe Metës. Ata po njeh si kundërshtar ai dhe betejën po ua jep atyre sepse e shikon që rritja e tyre nuk e rrezikon”,-tha Sokol Shameti.

LEXONI GJITHASHTU:

• Mungesa e kandidatëve të PS në media, Olli: Po shmangen si djalli nga temjani
• PS bën fushatë me Ramën, Çeka “zbulon” strategjinë e gabuar të socialistëve