PS bën fushatë me Ramën, Çeka “zbulon” strategjinë e gabuar të socialistëve

Blendi Çeka, pedagog në Universitetin e Tiranës tha në emisionin Barometri në Euronews Albania se, është atipike që në një fushatë për zgjedhjet lokale të zotërojë figura e kryeministrit në çdo poster duke lënë në hije kandidatin.

Çeka u shpreh se mënyra si e ka konceptuar PS për të shkuar tek mbështetësit është në formë pakete; qeveri, parti, kryetar dhe kandidat.

“Mënyra si është perceptuar është të shkohet paketë, ku çdo gjë është brenda qeveria, partia, kryetari dhe kandidati dhe mënyra si i qaset socialistëve është që kjo është paketa, dhe nga ana tjetër është opozita. E dyta, është atipike që në një fushatë lokale të zotërojë kryeministri në çdo poster se lë në hije kandidatin. Qeveria duhet të jetë sfond jo figure se ata që do të votohen janë kandidatët. Rama shihet si pika ku konvergohen të gjitha”, tha Çeka.

LEXONI GJITHASHTU:

• Rënia e pëlqyeshmërisë për PS në prill, Deda: Zhgënjim nga premtimet elektorale
• Mendimi i qytetarëve për partitë dhe koalicionet, krahasimi në 3 muajt e fundit