Rama sulmon Berishën: Opozitë e mjerë, pasoja e puthjes me një të vdekur

Kryeministri Edi Rama ka reaguar një ditë pasi theu heshtjen për lidhjen e tij me ish-zyrtarin e FBI-së në faqen e tij në Twitter.

Ai e ka cilësuar “të mjerë, të degraduar, të shfytyruar dhe të çekuilibruar” opozitën dhe mediat.

“Kurrë boshllëku i ideve, kapsllëku i komunikimit, sasia e gënjeshtrave dhe budallallëqeve të lëshuara në ajër nuk kanë qenë kaq të qametshme!” – shkroi Rama në Twitter.

Ai akuzoi Berishën, si shkaktar të dështimit të opozitës.

“Asnjëherë asnjë opozitë e asnjë kohe deri sot nuk e ka ndotur kaq keq mjedisin publik, ashtu e shtrirë në tërë kanalet e komunikimit me gjuhën jashtë dhe me trupin që përpëlitet nga fabrikimi non stop i pisllëqeve më ekstreme! Kjo është pasoja e puthjes fatale me një të vdekur,” – u shpreh Rama.

Kurrë më e mjerë, më e degraduar, më e shfytyruar dhe çekuilibruar s’është shfaqur ndonjëherë politika opozitare me altoparlantët e saj; kurrë boshllëku i ideve, kapsllëku i komunikimit, sasia e gënjeshtrave dhe budallallëqeve të lëshuara në ajër nuk kanë qenë kaq të qametshme!

— Edi Rama (@ediramaal) February 3, 2023

LEXONI GJITHASHTU:

• “Rama surprizon në fund”. Analisti tregon kush mund të jetë kandidati i PS në Vlorë
• Rama: Dy kompanitë ruse kanë marrë tender pa garë nga qeveria e mëparshme