Rama takon senatorët amerikanë në Samitin e NATO-s: Fokus, shtensionimi në Veri

Kryeministri Rama ndodhet në Samitin e NATO-s në Vilnus në Lituani.

Ai ka shpërndarë në faqen e vet në Facebook disa foto ku shihet në krah senatorëve amerikanë, ministres Olta Xhaçka, kreut të SHISH Vlora Hyseni dhe ministrit të Mbrojtjes Niko Peleshi.

Rama shprehet se takimi u kërkua nga senatorët dhe fokusi i bisedës ishte shtensionimi i situatës në veri të Kosovës.

“Me delegacionin e Senatorëve Amerikanë në Samitin e NATO-s, në një takim të kërkuar prej tyre nisur nga shqetësimi për situatën në Veriun e Kosovës dhe qasjen jokonstruktive të palëve, e cila ka çuar në një përshkallëzim të rrezikshëm që duhet ndalur një orë e më parë, për t’u kthyer në tryezën e Dialogut duke finalizuar Marrëveshjen e Normalizimit”, shkruan Rama.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• “Situata në Kosovë e rrezikshme”, Rama: Veriu mund të kthehet në vatër zjarri
• Rama në Samitin e NATO-s: Hapëm dyert për MEK, por jo që të sulmojnë Iranin