Mësohet se në takim ka qenë edhe Anulea Ristani, kryetare e komanduar e Bashkisë Tiranë.
Ndërkohë, në orën 18:00, Rama ka thirrur në një mbledhje me deputetët e Tiranës dhe ministrat e kabinetit qeveritar. Takimi do të mbahet në parkun “Eden” pranë Kryeministrisë. Burime bëjnë me dije se fokusi kryesor i diskutimeve do të jetë organizimi i Partisë Socialiste për zgjedhjet e ardhshme në Bashkinë e Tiranës dhe mbështetja për kandidaturën e Ogerta Manastirliut.
Këshilli Bashkiak i Tiranës votoi të martën me 51 vota pro propozimin e Partisë Socialiste për shkarkimin e kryebashkiakut Erion Veliaj.
Pas këtij vendimi, Prefekti i Qarkut Tiranë njoftoi këtë të mërkurë zyrtarisht Këshillin e Ministrave për procedurat ligjore që çojnë në shkarkimin e Veliajt. Mbledhja e qeverisë është planifikuar të mbahet të enjten, ku pritet të miratohet zyrtarisht shkarkimi i tij.
Me këtë vendim, kryeqyteti pritet të shkojë në zgjedhje të parakohshme bashkë me 5 bashkitë e tjera në vend.
LEXONI GJITHASHTU:
