Rama thirrje Asamblesë së OKB-së për sigurinë kibernetike: Të parandalojmë sulmet

Kryeministri Edi Rama, i bëri thirrje Asamblenë së Përgjithshme të OKB-së që të përqendrojë vëmendjen te siguria kibernetike për të parandaluar sulmet.

Në fjalën e tij Rama, tregoi rastin e sulmeve kibernetike nga Irani ndaj Shqipërisë, në korrik dhe pak javë më parë.

“Në një kohë kur një mori krizash e kanë zhytur botën në trazira do të doja ti kërkoja asamblesë të përqendronte vëmendjen te siguria kibernetike. Bota sot është e pandarë me teknologjinë. Shqipëria pësoi një sulm me qellim vjedhjen e të dhënave dhe paralizim të sistemeve në korrik. Një hetim i kryer me ekspertizën më të mirë ka konfirmuar se sulmi ishte një agresion i orkestruar nga Irani”-u shpreh Rama.

Rama theksoi se ndërprerja e marrëdhënieve diplomatike e Shqipërisë me Iranin ishte e vetmja zgjidhje.

“Qeveria nuk pati zgjedhje tjetër por vetëm të ndërpriste marrëdhëniet me Iranin. Shpresojmë që kjo masë ekstreme e detyruar të jetë shembull dhe parandalues për këdo që mbështet dhe sponsorizon veprime të tilla të neveritshme kundër shteteve sovrane. Ne i bëjmë thirrje OKB-së të përqendrohet më seriozisht për sigurinë kibernetike për të ndihmuar në parandalim”-nënvizoi Rama.

LEXONI GJITHASHTU: 

• Rama në OKB: Mobilizimi i pjesshëm nga Moska do turpërojë më shumë Rusinë
• Pse Irani shënjestroi Shqipërinë me sulmet kibernetike? Përgjigjet Rama