Rama u përgjigjet akuzave për Portin e Durrësit: Të enjten paraqesim faktet

Porti i Durrësit vlerësohet nga qeveria si një prej investimeve më të rëndësishme në vend për zhvillimin e turizmit. Kryeministri Rama u është përgjigjur akuzave të opozitës duke i cilësuar sulet ndaj këtij projekt si ligësi dhe injorancë.

“Çfarë s’po na dëgjojnë veshët për një prej kompanive më prestigjoze të Lindjes së Mesme dhe një prej investitorëve më të vlerësuar në industrinë globale të turizmit, që është fat, nder dhe mundësi e paçmuar t’i angazhojmë si partnerë të shtetit në Durrës”, u shpreh Rama.

Kryeministri shprehet se Porti i Durrësit nuk është afër dhe investitorët nuk mund të akuzohen për pazare si ai i Gredecit gjatë qeverisës së ish-kryeminsitrit Sali Berisha.

“Mirë vetes i thua duro si ke duruar se të dinë si veten e s’ke ç’u bën, po sekëlldi e madhe t’u shpjegosh të huajve se si mund të kulmojnë kaq lart injoranca me ligësinë dhe si mund të akuzohen investitorë të kalibrit të Muhammed Alabbarit për pazarllëqe të nivelit të Gërdecit”, tha ai më tej.

Kreu i qeverisë shprehet se në këtë projekt shteti shqiptar është ortak me 33% në një investim të huaj.

Të enjten Kuvendi do të shqyrtojë ligjin për Portin e Durrësit. Kryeministri shprehet se seancë do të paraqiten faktet për këtë investim për gjithë shqiptarët.

LEXONI GJITHASHTU:

• Meta në Lezhë iu bën thirrje qytetarëve që të ngrihen kundër qeverisë Rama
• Berisha: Do heqim taksat për shtëpitë botuese, për shtypshkronjat do t’i ulim
• Rama për Portin e Durrësit: Shteti shqiptar, ortak me 33% në një investim të huaj