Berisha: Do heqim taksat për shtëpitë botuese, për shtypshkronjat do t’i ulim

Kryetari i Partisë Demokratike, Sali Berisha thotë se kjo forcë politike, nëse vjen në pushtet, do të heqë taksat për shtëpitë botuese dhe do t’i ulë për shtypshkronjat.

Nga Panairi i Librit, Berisha u shpreh se kryeministri Edi Rama po ndjek një politikë anti-libër dhe anti-shqiptare.

“Kur flasim për librin nuk mund të mos parashtrojmë këtu të gjitha problematikat e mëdha që ka krijuar ky njeri që për veten e vet, pretendon se me një libër ndërtoi sarajet e Surrelit dhe tani takson si shtëpitë botuese, edhe shtypshkronjat, duke rritur kostot dhe ulur tirazhet e librave në mënyrë dramatike.

Kjo politikë antilibër në të vërtetë është politikë e mirëfilltë antishqiptare. Vetëm tarifat dhe taksat dogane që ky vendos e bën librin pothuajse të ndryrë në territorin e Shqipërisë, në një kohë kur ne jemi një komb ku 3/4 i kemi në dhera të tjera. Dua të garantoj të gjithë autorët, krijuesit se një politikë tjetër krejtësisht e ndryshme nga kjo do të instalohet”, theksoi kryedemokrati.

LEXONI GJITHASHTU

• Berisha në Panairin e Librit: Rama, një armik i egër i kulturës
• Hapet panairi i librit, më shumë se 97 shtëpi botuese nga mbarë trevat shqipfolëse
• Rikthehet panairi i librit pas dy vitesh mungesë