Rama udhëton sot drejt Kosovës, vizitë zyrtare në Prishtinë

Kryeministri Edi Rama këtë të hënë do të udhëtojë drejt Kosovës për vizitë zyrtare. Udhëtimi i Ramës në Prishtinë vjen një ditë para 18-vjetorit të Pavarësisë së Kosovës.

Gjatë qëndrimit në Prishtinë, Rama do të takohet me Presidenten e Kosovës, Vjosa Osmani, si dhe më pas me homologun e tij, Albin Kurti.

Kryeministri Rama do të marrë pjesë në promovimin e librit “Kur heshtja flet” të autorit Ahmet Shala, si edhe do të mbajë një leksion të hapur me të rinjtë e Universitetit “Hasan Prishtina” dhe nxënësit e gjimnazit “Sami Frashëri”.

Policia e Kosovës gjithashtu ka dalë me një njoftim me një plan masash për të mundësuar qarkullim të lirë të eskortës sipas itinerarit të lëvizjes nga pika kufitare Aeroporti si dhe zhvillimin e aktiviteteve sipas agjendës zyrtare së vizitës.