Kryeministri Rama ndodhet këtë fillim jave në Athinë për një vizitë dy ditore.
Pasditen e kësaj të hëne kreu i qeverisë shqiptare do të çel ekspozitën e tij me piktura ku do të marrë pjesë edhe homologu i tij grek, Mitsotakis. Takimi do të pasohet edhe nga një darkë pune.
Të martën, Rama do të takohet me kryetarin e kuvendit dhe presidenten e vendit. Ende nuk janë bërë publike temat e diskutimit mes kryeministrit shqiptar dhe zyrtarëve grek.
- Advertisement -
Një nga çështjet që lidh dy vendet është edhe marrëveshja për detin, ku palët kanë rënë dakord që ta dërgojnë atë në gjykatën ndërkombëtare të Hagës.
Në Athinë, Rama do të marrë pjesë edhe në forumin ekonomik të Delphit.