Rama në shkollën e rikonstruktuar të Hoteleri-Turizmit: 80%e studentëve janë në punë

Kryeministri Edi Rama ishte këtë të mërkurë në një vizitë në shkollën e rikonstruktuar të Hoteleri-Turizëm në Tiranë, e cila ka nisur certifikimin nga Shkolla e Lausanës.

Kryeministri ka parë nga afër ambientet e shkollës profesionale, ku 80% e studentëve punësohen në fushën e hotelerisë pa mbaruar ende studimet.

Kryeministri tha se përmirësimi i kushteve dhe cilësisë do të jetë në fokusin kryesor të qeverisë së tij, sidomos në këto kohë kur Shqipëria po përjeton një fluks të jashtëzakonshëm turistësh.

Duke folur me studentët Rama i këshilloi ata të mendohen mirë nëse duan të ikin nga vendi, e të bëjnë llogaritë që nga lekët që do u ngelen në fund të muajit deri te “me kë do pinë kafen e do bëjnë muhabet”.

“Duhet ta bëni mirë llogarinë para se të mendoni për të ikur, se llogaria nuk bëhet vetëm sa të japin atje e sa të japin këtu, por se sa të ngelen këtu dhe atje në fund të muajit.

Me pagat 400 mijë lekë atje ngelet më shumë se këtu, por në pagat 900, 1 milionë, 1 milionë e ca, në punë si menaxher, drejtor salle apo pika më lartë në shërbim, këtu të ngelen më shumë.

Duhet bërë llogaria, sa është taksa atje, sa janë këtu, sa është transporti atje, sa është këtu, sa është qiraja andej, sa është te prindërit dhe a ke njeri atje të pish kafe apo jo”,-tha kryeministri Rama.

LEXONI GJITHASHTU:

• Banka Kombëtare e Hungarisë ul normën e interesit njëditor të depozitave
• Ndahet nga jeta ish-zëvendësministri i Arsimit, prek me fjalët Berisha