Rama: Vuçiçin e kam mik, Serbia nuk mund t’i vërë sanksione Rusisë

Nga Strasburgu, kryeministri Rama në Asamblenë e Përgjithshme të Këshillit të Evropës, tha se në Shqipëri dhe Kosovë, Rusia nuk ka ndikim.

Ai u shpreh Serbia nuk mund t’i vërë sanksione Rusisë pasi nuk do të mund të mbijetonte ndryshe.

Më tej ai theksoi se presidentin Aleksandër Vuçiç e ka mik, dhe se Serbisë nuk mund t’i ushtrohet trysni për t’i vendosur sanksione Rusisë.

“Në Shqipëri dhe Kosovë, Rusia nuk ka ndikim. Kjo është situata, e dimë se ka mosdakordësi të thella me Serbinë. E them se presidenti serb është miku im ashtu sikurse  kam thënë, por nuk duhet të ushtrojmë trysni të skajshme mbi Serbinë kur jen puna mbi sanksionet sepse nuk u mbijeton dot sanksionet. As nuk duam që të përfundojmë në një situatë ku Serbia shkon në krahët e Rusisë sepse ka shumë që e duan Rusinë në Serbi.

Unë jam kryeministri i Shqipërisë dhe jam 198 cm dhe kryeministër i një vendi të vogël, e nuk mendoj se Shqipëria ka kapacitetin për t’i thënë botës se çfarë bën. Prandaj në rrugëtimin tonë jemi shumë të angazhuar në aleancat perëndimore dhe jemi vendi më pro evropian e amerikanë dhe jemi dakord me të mëdhenjtë me çfarë bëjnë në panoramën evropiane. Prandaj nëse doni ta përjashtoni Rusisë, ta përjashtojmë”- tha Rama.

LEXONI GJITHASHTU: 

• Marrëveshja Rusi-Serbi, Berisha: Pse Edi Rama nuk shqipëroi asnjë fjalë kundër saj?
• Ekskluzive/ Babai i Hashim Thaçit ndjek live Ramën në Strasburg