Rama-zyrtares britanike: Shqiptarët s’janë kriminelë, drejtojnë biznese në Britani

Në samitin “Procesit të Berlinit”, kryeministri Edi Rama nuk la pa përmendur akuzat e sekretares së brendshme britanike Suella Braveman, e cila duke akuzuar shqiptarët ngriti alarmin për emigrimin e tyre drejt Mbretërisë së Bashkuar.

Rama sqaroi se shqiptarët janë të integruar plotësisht në Britani të Madhe dhe se një pjesë e tyre drejtojnë biznese.

Fjala e kryeministrit Rama:

Nuk dëgjova asnjë politikan gjerman që të flasë dhe të thotë që shqiptarët janë kriminelë dhe të sjellin kriminelë dhe pashë një qeveri mjaft të interesuar për ta trajtuar çështjen e emigrimit për shqiptarët dhe për ecur në mënyrë konkrete duke e radhitur Shqipërinë në vendet e origjinës së sigurt, duke forcuar sistemin e aplikimeve dhe duke i dhënë fund praktikisht asaj trazire të atij momenti në mënyrën më të respektuar. Përfaqësuesit britanikë do të vijnë në Gjermani dhe të mësojnë shpejt dhe të ndreqin problemet e veta.  Më duhet të kujtoj këtu se qytetarë tanë që kanë mbërritur në Francë kanë qenë tërësisht të ligjshëm. Nëse ka problem në kanalin midis Francës dhe Mbretësisë le ta zgjidhin. Jemi të gatshëm të bashkëpunojmë, por do të pranojmë këtë lloj retorike. Shqiptarët në  Britani të Madhe janë plotësisht të integruar, komuniteti i shkëlqyer. Nuk janë milion janë 140 mijë. 70% e tyre janë larguar nga Greqia dhe Italia. Ka 1200 drejtues biznesesh që janë shqiptarë, ka akademikë. Kur vjen fjala për kriminelët që shifrat flasin për më pak se 1%. Të flasësh për gangsterë nuk tingëllon shumë britanike, por si një britmë në një çmendinë.

LEXONI GJITHASHTU:

• Spartak Ngjela komenton si ja vodhi zgjedhjet Rama: Berisha i di të gjitha
• Kancelari gjerman nga Berlini: Mbështesim vendet e Ballkanit në krizën energjetike
• Olaf Scholz rikthen Procesin e Berlinit