Akuzohet për trafik kokaine, Ramazan Rraja dënohet me 12 vjet burg në Belgjikë

Ramazan Rraja, i kërkuar nga drejtësia shqiptare për atentatin ndaj ish-prokurorit Arjan Ndoj është dënuar në Belgjikë me 12 vjet burg.

Mediat belge shkruajnë se një shtetas letonez dhe dy shqiptarë, Rraja së bashku me kushëririn e tij Fioralb Rraja akuzohen për drejtimin e një organizate të trafikut të kokainës.

Sipas dosjes së prokurorisë belge, banda trafikonte kokainë nëpërmjet portit të Antwerp dhe më pas e shpërndante në të gjithë Europën Perëndimore si dhe në Turqi e deri në Australi.

Më herët Ramazan Rraja ishte shpallur kërkim nga policia shqiptare si një prej tre personave që më 13 nëntor 2021 u futën të armatosur dhe maskuar në një lokal në Lezhë.

LEXONI GJITHASHTU:

• Nga dentist në kriminel, si Redjan Rraja u lidh me bosët e krimit në Shqipëri
• Nga Ramazan Rraja te Plarent Dervishaj, kush u përfshi në atentatin ndaj Rrumit