Raporti europian i duhanpirjes: Alternativat reduktojnë risqet, ndihmojnë ekonominë

Europa po zhvillon alternativa ndaj pirjes tradicionale të duhanit. Kjo është dhe shpresa e organizatës jo-qeveritare EPIC ose ndryshe Këshilli i Inovacionit për Politikat Evropiane i cili ka publikuar raportin e titulluar ’’Fundi i duhanit? Si Europa mund të shpëtojë miliona jetë duke promovuar rritjen ekonomike.’’

Studimi evidenton ndikimin ekonomik që ka zinxhiri i duhanit në nivel evropian dhe ofron një këndvështrim pragmatik mbi rregullimin e këtij tregu. Ҫ’ka do të zbuste dhe dëmet e shkaktuara nga konsumi i duhanit.

Antonios Nestoras, themelues dhe CEO i Këshillit të Inovacionit për Politikat Evropiane, duke pasur parasysh se përdoruesit e duhanit dhe nikotinës nuk do të zhduken brenda natës, thotë se lind nevoja që Europa të inkurajojë adoptimin e alternativave më të sigurta ndaj pirjes së duhanit.

Kjo qasje do të përmbushte tre qëllime: Ruajtjen e kontributit ekonomik të një industrie plotësisht të ndërtuar në Evropë;  Përmirësimin e shëndetit publik përmes një kuadri rregullator që balancon reduktimin e dëmit me nevojën për të hequr gradualisht cigaret; Parandalimin e tregut të paligjshëm,  për produkte me standarde të ulëta sigurie që vijnë kryesisht nga Kina.

Në nivel europian, sektori i duhanit kontribuon me 223.7 miliardë euro në vit në PBB. Industria punëson drejtpërdrejt dhe indirekt më shumë se 2.1 milionë njerëz, me një total pagash që i kalojnë 60 milionë euro.

Në lidhje me rishikimin e Komisionit Evropian të Direktivës së Produkteve të Duhanit (TPD) dhe Direktivës së Taksimit të Duhanit (2011/64/BE), raporti thekson se marrja e masave ekstreme mund të dëmtojë tegun europian, duke inkurajuar tregtinë e paligjshme.

LEXONI GJITHASHTU:

• Blerja e pronave nga të huajt, Banka e Shqipërisë: 380 milionë euro investim në 2024
• Humbja me Pogradecin, shkarkohet Agostineli, kush është trajneri i ri i Flamurtarit