Raporti i EMCDAA: Durrësi portë kryesore e trafikut të kokainës

Shqipëria e ka humbur rolin si furnizuese kryesore me hashash e tregut të paligjshëm në Bashkimin Europian, por grupet kriminale shqiptare po shndërrohen në protagoniste të furnizimit të këtij tregu me kokainë.

Qendra Europiane e Monitorimit të Drogërave ka publikuar raportin rajonal për vitin 2022. Qendra thotë se pas 2018-s, Porti i Durrësit dhe ai i Barit në Mal të Zi po kthehen në dy hyrje kryesore të kokainës amerikano-jugore në Europë.

Raporti citon aksionet e ndërmarra në tre vitet e fundit të autoriteteve vendase në bashkëpunim me agjencitë europiane të zbatimit të ligjit. Aty citohet kapja e 613 kilogramëve kokainë në Portin e Durrësit në 2018-n dhe të 262 kilogramëve në dy aksione të policisë një vit më parë.

Të gjithë treguesit, thotë Qendra, të çojnë në përfundimin se grupet shqiptare kanë vendosur kontakte të drejtpërdrejta në Amerikën Latine dhe po kthehen në protagonistë të trafikut të kokainës.

Sipas raportit grupet shqiptare po bashkëpunojnë me Ndraghetan italiane përmes ndarjes së territoreve, por edhe aktiviteteve.

Sa i takon kultivimit të hashashit, raporti thekson se prej 2018-s, Shqipëria nuk është më burim kryesor i trafikut në Europë, por është rritur numri i shqiptarëve që po e kultivojnë atë në vendet e BE-së, sidomos në Spanjë.

LEXONI GJITHASHTU:

• Mbante armë zjarri në banesë, arrestohet 55-vjeçari në banesë
• Gazetari: Kosova ka hequr dorë nga të gjitha masat qortuese për targat
• Përballja Kurti-Vuçiç në Bruksel, presidenti serb: Nuk jam optimist