Raporti i Guterres për Kosovën sot para Këshillit të Sigurimit të OKB-së 

Në seancën e Këshillit të Sigurimit të Kombeve të Bashkuara do të prezantohet sot raporti gjashtëmujor i Sekretarit të Përgjithshëm të OKB-së Antonio Guterres për Kosovën.

Raportin do ta prezantojë kryetarja e UNMIK-ut, Karolina Zijade. Serbia do të përfaqësohet nga Ministri i Punëve të Jashtme, Nikola Selakoviç, ndërsa Kosova do të përfaqësohet nga Ministrja e Punëve të Jashtme, Donika Gërvalla.

Në raport, Guterres paralajmëroi se tensionet dhe retorika e ashpër pasqyrojnë situatën e brishtë në Kosovë, duke theksuar se paqja mbizotëroi falë aktivitetit të gjerë diplomatik, në radhë të parë të SHBA-së dhe Bashkimit Evropian, në qetësimin e situatës.

Ai tha se “paqja mbizotëroi falë angazhimit të gjerë të diplomatëve”, duke theksuar se nuk mund të theksohet sa duhet rëndësia e përmbajtjes dhe respektimit të dialogut për zgjidhjen e mosmarrëveshjeve.

Në të njëjtën kohë, kreu i organizatës botërore vlerësoi angazhimin diplomatik të SHBA-së dhe BE-së si kyç për qetësimin e situatës, si dhe aktivitetet e KFOR-it dhe misionit të BE-së, të cilat ndihmuan në ruajtjen e paqes dhe stabilitetit.

LEXONI GJITHASHTU:

• ‘Rama fjalim dinjitoz’, Hyseni: Raporti i Marty dëmton Kosovën dhe Shqipërinë
• Raporti i Dick Marty, paralajmërimi i Ballës për Berishën