Avokati Gentjan Serjani komentoi për “Review” në Euronews Albania rastin e burgosjes së nënës lehonë, Diana Bahçja e cila tashmë është liruar.

Ajo u arrestua duke lënë foshnjën 8-ditëshe në shtëpi. Gjykata e shkallës së parë në Tiranë i ka vendosur një gjobë në vitin 2020 prej 2 milionë e 500 mijë lekë të vjetër, duke ia konvertuar në 50 ditë burg. Arsyeja e gjobës është braktisja e fëmijës që Diana ka nga martesa e parë.

Sipas avokatit policia që ka shkuar për të gjetur 25-vjeçaren, për ta çuar në prokurori në mënyrë që të jepte deklaratën nuk e gjeti, ndërsa policia që shkoi për të ekzekutuar vendimin po. Serjani tha se kemi të bëjmë me të njëjtën polici dhe të njëjtën vendndodhje të Dianës.

“Nuk e gjeti dot policia kur do shkonte të jepte deklaratën, që nëna të mbrohej, për një vit rresht, por ama e ka gjetur zonjën në momentin që do ta çojë në burg. Policia nuk e ka bërë punën si duhet,” – u shpreh avokati.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Avokati i nënës lehonë: Dianën e denoncoi ish-vjehrri, thanë që u largua nga banesa