Raundi i dytë i zgjedhjeve lokale në 18 komuna në Kosovë, fushata hapet në 3 nëntor

Kosova do të mbajë raundin e dytë të zgjedhjeve lokale në 9 nëntor në 18 komuna, të cilat dolën në balotazh në raundin e parë në 12 tetor. Fushata elektorale do të fillojë në datën 3 nëntor dhe do të zgjasë 7 ditë.

KQZ do të bëjë dërgimin e fletëve të votimit për votuesit jashtë Kosove nga 26-19 tetor. Votimi përmes postës do të fillojë më 27 tetor dhe do të përfundojë më 8 nëntor

Lista e votuesve për qytetarët jashtë vendit do të jetë e njëjtë me atë të 12 tetorit. Anëtari i KQZ, Arianit Elshani tha se ata që mbushin 18 vjeç do të përfshihen në listën përfundimtare të votuesve.

Kryetar i KQZ, Kreshnik Radoniqi tha se do të komunikojë me panelin zgjedhor për ankesat dhe parashtesa si dhe Gjykatën Supreme në lidhje me ankesat për zgjedhjet e 12 tetorit dhe në bazë të kësaj KQZ mund të shpallë rezultatet përfundimtare të raundit të parë gjatë kësaj fundjave.

“Ka shumë ankesa për rezultatin për kryetar komune dhe kuvendet komunale”, tha Radoniqi.

KQZ do të përfshijë në rezultatet përfundimtare edhe 16 kutitë e rinumëruara.

LEXONI GJITHASHTU:

• Berisha për zgjedhjet në Kosovë: Model demokracie, mesazh për Shqipërinë
• Zgjedhjet në Kosovë/ 21 komuna zgjodhën kryetarët në raundin e parë, 17 në balotazh