Reagon Drejtoria e Përgjithshme e Burgjeve, sqaron “lapsusin” “i dënuar” për Veliajn

Drejtoria e Burgjeve ka reaguar pas deklaratës së bërë nga SPAK ku shkruhej se statusi për gjendjen gjyqësore për shtetasin Erion Veliaj, është marrë nga ky institucion.

Në reagim thuhet se pas verifikimeve në Regjistrin e Gjendjes Gjyqësore, si dhe në bazë të kërkesës së SPAK për vërtetim të historikut të Erion Veliajt, ka rezultuar se ky individ është i padënuar më parë dhe ndaj tij janë dhënë tre vendime pafajësie.

“Në përgjigje të interesimit të mediave, Drejtoria e Përgjithshme e Burgjeve bën me dije se, në përgjigje të kërkesës së Prokurorisë së Posaçme Kundër Korrupsionit dhe Krimit të Organizuar, me shkresën nr. 2215/prot., datë 12.02.2025, ka përcjellë vërtetimin e gjendjes gjyqësore për shtetasin E. V., i biri i L. dhe Sh., lindur më 17.12.1979.

Pas verifikimeve në Regjistrin e Gjendjes Gjyqësore, ai rezulton i padënuar dhe ndaj tij janë dhënë tre vendime pafajësie.

Sqarojmë se, në rastet kur kërkohet vërtetimi me historik, përfshihen edhe të dhënat mbi vendimet e mëparshme, përfshirë pafajësitë apo vendimet e rehabilitimit, në përputhje me legjislacionin në fuqi”.

LEXONI GJITHASHTU:

• SPAK për “lapsusin” “i dënuar” në vendimin e Veliajt, sqaron për Euronews procedurën
• Veliaj reagon për akuzat: Ku është maunia me 1 mln € rroba të gruas sime?
• Deputeti i PS mbështet kërkesën e SPAK drejtuar policisë për gjyqin e Veliaj