Reagon për herë të parë Enca pas daljes nga burgu: Po studionin ballkonin tim

Këngëtarja Ruensa Haxhiaj e njohur me emrin e artit si Enca ka reaguar për herë të parë pas lirimit nga burgu.

Përmes një postimi në faqen e saj në Instagram këngëtarja ka ironizuar duke i bashkëngjitur shkrimin “kanë studiuar ballkonin tim”, një fotoje provokuese.

Përveç kësaj, Enca ka pasur dhe një falënderim për ata që e kanë mbështetur gjatë këtyre ditëve të vështira.

Këngëtarja u arrestua pak ditë më parë, pasi gjatë kontrollit në banesën e saj në periferi të kryeqytetit, u gjetën disa vazo ku kultivohej kanabis sativa.

Mbrojtja pretendoi se qëndrimi me masë më të rëndë, nuk është i nevojshëm pasi nuk përbën rrezik për t’iu shmangur hetimit dhe kështu Gjykata e Tiranës caktoi masën “detyrim paraqitje”.