English

Reagon Veliaj: Djali im jetim me urdhër prokurori dhe vendim gjykate

KOMENTE

SHPERNDAJE
ARTIKULLIN

Text sizeAa Aa

Kryetari i Bashkisë së Tiranës, Erion Veliaj, ka reaguar sërish nga qelia me një status në rrjetet sociale, ku shpreh shqetësimin e tij për pasojat e vendimeve të drejtësisë në jetën familjare.

- Advertisement -

Ai akuzon Prokurorinë e Posaçme (SPAK) dhe Gjykatën Kundër Korrupsionit dhe Krimit të Organizuar (GJKKO) për ndikimin që, sipas tij, kanë pasur vendimet e tyre tek familja dhe veçanërisht tek djali i tij.

“Sipas vendimit të gjykatës, fëmija im tani ka marrë statusin e jetimit, dhe përgjegjësia për rritjen e tij i ka kaluar gjysheve. Ato duhet të marrin përsipër detyrat prindërore, duke e çuar dhe marrë nga shkolla, si dhe duke e shoqëruar në aktivitete jashtëshkollore,” shkruan Veliaj në statusin e tij.

Reagimi i plotë

Jetim me urdhër prokurori e vendim gjykate!

Mirëdita miq e dashamirës të pafundëm, që më keni dhënë këtë javë kaq shumë dashuri e kurajo!

A doni të argëtoheni pak me violinën e Ols Dados në seancën e pengmarrjes, te thertorja e adashit tim?

Kur Ajola kërkoi uljen e masës paraprake nga arrest shtëpie në detyrim paraqitje, për shkak të nevojës për t’u përkujdesur të paktën njëri prej prindërve për djalin tonë 6 vjeçar, arsyetimi i prokurorëve ishte se djali ynë ka dy gjyshe! Pra, me vendim gjykate i caktohet fëmijës statusi i jetimit dhe përgjegjësia ta rrisin u kalon gjysheve! Ato mund ta zëvendësojnë rolin e prindërve për ta çuar e marrë nga shkolla, apo për ta shoqëruar në aktivitete jashtëshkollore, tha violinisti dështak. Madje, gjyshet mund t’i mbanin edhe radhët për të blerë ushqime sipas tyre, pavarësisht se as nuk e kanë idenë nëse gjyshet janë mirë me shëndet, ngasin apo jo makinën, për t’u kthyer në shërbëtore të fëmijës së shpallur “jetim” dhe pa akses në llogari bankare me urdhër nga Spaku, e me radhë.

Po përtej këtyre, se ja ta zemë se gjyshet e shkreta do ta zbatonin urdhërin e Spakut dhe do mësonin edhe makinën, për prokurorët, raporti mes gjyshes dhe nipit qenka thuajse i njëjtë me raportin e nënës me djalin, në pikën që gjyshja qenka njeri i shtëpisë edhe kur nuk jeton me vajzën e saj, nënën e djalit. Normal deri këtu pikëpamja për gjyshen, po si ka mundësi atëherë që i njëjti tru që arsyetoka kështu, arsyeton edhe që gjetja e lodrave të nipit në shtëpinë e gjyshes në plazh, të cilën e ka blerë gjyshi i vdekur, kur nipi s’kishte lindur dhe e bija s’ishte martuar akoma, përbëka provën flagrante që ajo shtëpi në fakt është një pasuri e fshehur e jona!

Pra, të njëjtët prokurorë, të cilët janë në të njëjtën kohë vetë prindër (nuk di a kanë a s’kanë gjyshe fëmijet e tyre, po me siguri duhet të kenë), mendojnë se gjyshet janë njerëz të shtëpisë dhe mund ta marrin pa asnjë dyshim të arsyeshëm edhe rolin e mamasë për nipin, por kurrsesi nuk mund të ndodhë në shtëpitë e gjysheve të gjenden lodra të nipit 6 vjeç. Aq më tepër, në plazh, ku nuk besoj se im bir është i vetmi kalama që mezi pret të shkojë te shtëpia e gjyshes për t’u takuar me lodrat e tij.

Dhe një pyetje kam unë: Po edhe sikur të jetë shtëpia jonë, që vetëm truri i një lunatiku si violinisti që më ra për pjesë mua mund ta dijë se pse duhet ta fshihja në deklarimin tim nëse do ta kisha, a mjaftojnë dot si provë fotot e lodrave të djalit tim apo fakti që ime shoqe thërret shoqet e veta te shtëpia në plazh e të ëmës për ditëlindjen e saj?

Me siguri po, por jo në demokraci dhe kurrën e kurrës në Europë.

Një përqafim të madh gjithë gjyshërve e gjysheve! I mbushni nipat e mbesat me dashuri, se fëmijët e rritur me ngrohtësi nuk bëhen dështakë të kompleksuar si noteri i lodhur ndërtues, që më ka rënë mua për hise! Kokën lart! ❤️

LEXONI GJITHASHTU:

8 COMMENTS

  1. Ne Fakt une di qe celulari nuk lejohet, deri sa te provohet fajësia ose pafajesia. A duhet te jemi para ligjit njesoj…Per djalin duhej te mendoheshir para se te gelltitnit çorben e korrupsionit…Po ata qe u futen ne Burg se nuk paguan energjine.??? Edhe per femijet e tyre gjyshet u kujdesen pooor pa mesuar makinen pasi as nuk e kishin nje te tille…ok?

  2. Po ik ore hajdut i pashpirt se sa toka keni zene e sa shpi keni prish e sa femije keni lene jetim o plera po na qahesh tani, djali dhe nusja jote sdine ku te cojne leket mos ki merak se nuk te mbetet pa buke e pa shtepi si mijera femije neper shqiperi..

  3. po ik o bythqim se je bere bajat fare me keto kendime.rri aty dhe vish fustanet e gruas tani qe mos tja veshi ndonje tjeter yyyy pederast.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Vetëvendosje del forcë e parë në Kosovë, por nuk siguron shumicën! A mendoni se Kurti do ta formojë dot qeverinë e re?