Rebelimi i Wagner! Deputeti ukrainas flet ekskluzivisht për Euronews Albania

Deputeti ukrainas, Oleksiy Goncharenko tha në një intervistë për Euronews Albania se nëse kreu i Wagner do të vazhdonte ofensivën e tij në Rusi, situata në Ukrainë do të ishte de-përshkallëzuar.

Sipas tij Prigozhin u pagua për mos të vijuar me rebelimin e tij. Përmes një mesazhi audio lëshuar luftëtarëve të tij, ky i fundit kërkoi nga trupat e Wagner të kthehen në bazat e tyre për të “shmangur gjakderdhjen”.

“Ishte përpjekje e pastër për grusht shteti, por për fat të keq ndaloi shumë shpejt. Nëse do të vazhdonte, lufta në Ukrainë do të kishte përfunduar, pasi liderët rusë dhe kreu i Wagner do të ishin shumë të zënë duke u marrë me njëri tjetrin. Si përfundim Prigozhin nuk e vazhdoi ofensivën e tij, Putin bëri një marrëveshje me të.

Mercenarët e Wagner morën një nga qytetet kryesore në kontroll dhe pas reagimit të tyre u falën, u dha para dhe gjithçka u zgjidh. Më vjen keq ta them, por nuk bëhet fjalë për një vend të civilizuar në këtë rast,” – u shpreh Goncharenko.

LEXONI GJITHASHTU:

• Ish-ushtaraku: Wagner eksperiment i Rusisë! Ja cili ka qenë misioni i tij
• Wagner mund të drejtojë sulmin nga Bjellorusia, paralajmëron gjenerali britanik