Red Bull “shkarkon” Daniel Ricciardo-n

Daniel Ricciardo nuk do të marrë pjesë në sesionin e parë të Provave të Lira në “Japanese Grand Prix”, muajin e ardhshëm. Australiani do të udhëtojë drejt Suzuka ku do të garojë si zakonisht por do të ketë më pak teste në dispozicion.

Kjo pas vendimit të skuderisë për ti dhënë më shumë xhiro në dispozicion pilotit të ri të Red Bull, Ayumu Iëasa. Konfirmimin e dha këshilltari Helmut Marko që deklaroi se në fundjavën japoneze për një moment do të jetë një skuadër e tëra nipone.

Në këtë mënyrë Iwasa do të jetë përkrah patriotit Yuki Tsunoda në një lëvizje të Red Bull që ka për qëllim tërheqjen e interesit të vendasve në tribuna dhe jo vetëm.

Skuderia satelite e Red Bull bën diçka të tillë prej vitesh edhe në Botën e marketingut duke ndryshuar edhe emrin në varësi të kontratave mbështetëse financiare.

LEXONI GJITHASHTU:

• Skandali i radhës në ‘Formula 1’, Presidenti i FIA’s nën hetim
• Nis sot në ekranin e Euronews Albania Botërori i Formula 1