Referendumi i PD do legjitimojë shkarkimin e kryetarit, thotë Bumçi

Anëtari i Partisë Demokratike Aldo Bumçi tha për “Now” në Euronews Albania se ditën e nesërme do të bëhen publike ndryshimet në statutin e Partisë Demokratike.

“Anëtarësia e Partisë Demokratike është burimi suprem i legjitimetit. Ne kryetarin e votojmë, një anëtar, një votë,” – u shpreh Bumçi ndërsa deklaroi se do të merret një vendim që e njëjta formë votimi të përdoret për të marrë çdo lloj vendimi brenda partisë.

Gjatë debatit mbi Partinë Demokratike ai kritikoi kryetarin aktual të partisë duke thënë se njerëzit sot e besojnë Berishën jo se e ndjekin verbërisht, por tha se Basha ka pasur “vetëm fjalë” dhe se nuk e ka çuar partinë drejt fitores.

“Arsyet pse Berishën e votojnë demokratët është betejë brenda demokratëve”, tha ai.

Ish-ministri i Jashtëm i Shqipërisë tha se Berisha po u jep besim demokratëve, derisa tha se “librin e të metave të Berishës socialistët e lexojnë çdo ditë” por se Basha nuk ka guxim të garojë kundër tij.

“Demokratët po mos ta besonin Berishën nuk do i shkonin në foltore. Pse nuk e shpall garën Basha dhe ta mundi meqenëse ky njeri nuk ndiqet. Pse e ndjekin? Çfarë jep? Lekë, punë, çfarë jep ky sot pas 8 vitesh në opozitë. Asgjë nuk jep. Edhe non-grata, edhe prapë të humbur. Çfarë ka atëherë ky njeri që i thërret? Besimin. Ky njeri ka vepra dhe jo fjalë”, tha Bumçi.

LEXONI GJITHASHTU:

• Organizatori i foltores në SHBA, Picari: E mbështes Berishën përtej ‘non gratës’
• ‘Basha e Berisha do bashkohen, në PS do plasë më keq’, thotë gazetari
• Analisti Shehu: Berisha, lideri i vërtetë i PD në 8 vite