Rekrutimi në FA, dhjetëra të rinj të bashkisë Dimal aplikojnë për t’u bëhen pjesë

Në bashkinë Dimali u zhvillua aktiviteti “Dita e hapur” ku Forcat e Armatosura kanë nisur rekrutimin e të rinjve pranë FA. Ky aktivitet gjithashtu konsiston edhe në promovimin e mjeteve luftarake të forcave ajrore e tokësore, si dhe emergjencat civile.

“Ne vazhdojmë të jemi në fushatën e rekrutimit e cila vazhdon deri në datën 9 janar të vitit 2024, shohim një tendencë në rritje të të rinjve, sidomos nga qyteti i Beratit ka shumë të interesuar për t’u bërë pjesë e Forcave të Armatosura”, tha Major Denisa Pëllumbaj

Kryetarja e Bashkise Dimal dhe deputeti i zonës vlerësuan nismën e FA për rekrutimin dhe mundësinë që ju jepet të rinjve për t’u bërë pjesë  e Forcave të Armatosura.

“Kjo është një risi, hera e parë që ndodh një promovim i tillë dhe një promovim për rekrutimin në ushtri, dhe unë desha t’u drejtohem të gjithë të rinjve që kjo është një mundësi për ta, e cila jo vetëm sepse sot është një mundësi punësimi, por dhe për faktin që ata bëhen edhe më të përgatitur”, u shpreh Juliana Memaj kryetare e bashkisë Dimal.

Kolonel Gezim Marku vlerëson se shumica e të rinjve që po bëhen pjesë e rekrutimit orientohen drejt njësive operacionale.

Qarku i Beratit renditet si një ndër qarqet me më shume rekrutime në këtë fushate ku dhe qyteti i beratit mban numrin më të lart të rekruteve të rinj.

LEXONI GJITHASHTU:

• Rekrutimet për në Forcat e Armatosura, i riu rrëfen pse zgjodhi të bëhej pjesë
• Forcat e Armatosura në gatishmëri, Peleshi thirrje pushtetit vendor të marrë masa