Rëndohet pozita për Beqajn, SPAK pranon kërkesën për rikualifikimin e veprës penale

GJKKO kërkoi rëndimin e pozitës për ish-Ministrin e Shëndetësisë, Ilir Beqaj, në lidhje me dosjen e “Sterilizimit”.

Gjyqtarja e seancës paraprake Flojera Davidhi, i kërkoi SPAK-ut të rikualifikonte akuzën për Ilir Beqajn, ish-zëvendësin e tij Klodian Rrjepaj dhe biznesmenin Ilir Rrapaj, duke i akuzuar për vjedhje duke shpërdoruar detyrën në kuadër të grupit të strukturuar kriminal.

Dy prokurorët e SPAK Ened Nakuçi dhe Edvin Kondili e kanë pranuar kërkesën e gjyqtares paraprake për ndryshim të akuzës për Beqajn, Rrapajn dhe Rrjepajn dhe avokatët kanë kërkuar kohë deri në 9 janar për të bërë mbrojtjen.

SPAK kishte dërguar për gjykim dosjen e Sterilizimit, duke akuzuar Beqajn për shpërdorim detyre. Ndërsa ndaj Rrjepajt dhe Rrapajt për akuzën e mashtrimit me pasoja të rënda në bashkëpunim.

LEXONI GJITHASHTU:

• “Më akuzoni si hajdut”- Debate të forta te Sterilizimi, Beqaj përplaset me Vokshin
• Ilir Beqaj shkon në Kuvend me pranga në duar, pritet të dëshmojë për “Sterilizimin”