Reperi amerikan Travis Scott u arrestua në një hotel luksoz në Paris pas një konfrontimi me një roje sigurie, njoftoi prokuroria e Parisit.

Scott 33 vjeç u arrestua për “dhunë ndaj një roje sigurie”, i cili u përpoq të shuante një sherr mes reperit dhe truprojës së tij, shtoi prokuroria.

Siç thuhet, një hetim penal është nisur, raporton Reuters.

Scott ka ndjekur mbrëmë ndeshjen e basketbollit ndërmjet Serbisë dhe SHBA-së në Paris, shton AP.

Disa media franceze raportuan se ai ishte i dehur.

Reuters vëren se përfaqësuesit e Scott nuk mund të kontaktoheshin për koment.

Reperi ka dy fëmijë me ish të dashurën e tij, personalitetin mediatik dhe sipërmarrësen Kylie Jenner.

LEXONI GJITHASHTU:

• Dhunimi i Medi Isenit, reperi Stresi shpallet në kërkim nga Policia e Kosovës
• Arrestohet në Miami reperi Travis Scott