Dhunimi i Medi Isenit, reperi Stresi shpallet në kërkim nga Policia e Kosovës

Pas arrestimit të reperit Rigels Rajku, i njohur si Noizy dhe Dj Crax për dhunimin e personazhit të Tik Tok, Medi Iseni, është shpallur në kërkim nga autoritetet në Kosovë edhe reperi Arkimed Lushaj, i njohur si Stresi.

Policia e Pejës në Kosovë ka publikuar fotografinë e Stresin dhe kërkon ndihmën e qytetarëve për lokalizimin dhe arrestimin e tij.

“Drejtoria Rajonale e Policisë në Pejë, bazuar në ligjin për publikimin e fotos me shënime tjera të personit të kërkuar më autorizimin e Prokurorisë Themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.

Personi i kërkuar është: Arkimed (Sali) LUSHAJ  i lindur me 15.06.1987 nё Bajram Curr- Shqipёri, njofton policia, transmeton Express.

I pandehuri, sipas policisë është i kërkuar për veprën penale: ‘Ndihma’ nё kryerjen e veprës penale ‘Lёndim i rёndё trupor’”, thuhet në njoftim.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë, E-mail adresa: [email protected]”, apelon policia.