Republika Çeke zëvendëson Rusinë në Këshillin e OKB-së

Ministri i Jashtëm çek Jan Lipavsky ka falënderuar anëtarët e OKB-së për zgjedhjen e vendit të tij në Këshillin e OKB-së për të Drejtat e Njeriut, në vend të Rusisë, e cila u pezullua nga ky organ në prill për pushtimin e Ukrainës, raporton BBC.

Lipavsky shprehu mirënjohjen e tij për besimin e dhënë Republikës Çeke dhe tha se vendi i tij do të fillojë menjëherë punën.

Ministri i Jashtëm çek tha se të drejtat e njeriut mbeten një prioritet si për partinë e tij ashtu edhe për qeverinë çeke, e cila ai tha se po i kthehet trashëgimisë së Vaclav Havel.

“Ne i përkasim Këshillit të të Drejtave të Njeriut, Rusia jo”, i tha ai agjencisë çeke të lajmeve Novinky.cz

Republika Çeke do të shërbejë për pjesën e mbetur të mandatit trevjeçar të Rusisë në Këshill.

LEXONI GJITHASHTU:

• Një i vrarë dhe pesë të plagosur, Rusia lëshon raketa hipersonike në Odesa
• Rusia feston Ditën e Fitores nën hijen e luftës në Ukrainë