Situata nga reshjet, dëmtohet çatia e spitalit të Pukës, probleme dhe në Fushë Arrëz

Reshjet e shiut në Pukë kanë sjellë probleme për banorët ndërsa raportohet se era ka shkëputur nga çatia disa mbuluese metalike ku për pasojë janë krijuar probleme në pavionet e patologjisë dhe pediatrisë.

Po ashtu probleme ka edhe në akset rrugore që përshkojnë zonën.

Situata e motit në Qarkun e Shkodrës

Në të gjithë territorin gjatë natës ka pasur erë të fortë dhe reshje shiu.

* Nga strukturat Mbrojtjes Civile të Bashkisë Vau i Dejës informohemi se ka mungesë të energjisë elektrike në Bushat, Hajmel dhe Vig Mnele mungon energjija elektrike.

* Në territorin e bashkisë Fushë Arrëz si pasojë e reshjeve të dendura të shiut janë dëmtuar rrugë rurale dhe ka pasur rrëshqitje të dhërave e renie te gurëve në rrugë. Që nga dje pasdite ka shkeputje të energjisë elektrike në Njesitë Administrative Qafë-Mali, Iballë, dhe Blerim. Kemi dëmtim të çative të disa pallateve ne qytetin e Fushë Arrëzit. Rrezikohet banesa e shtetases L.M pasi është shkëputur një masiv shkëmbor duke i rrezikuar shtepinë.

* Nga DRV Shkodër informohemi se qarkullimi vijon pa probleme, firmat mirëmbajtese janë në gadishmëri me mjete dhe punetorë.

* Në Lezhe informohemi se nga reshjet e shiut prej rreth 30mm gjate 24 orëve nuk janë shkaktuar probleme në infrastrukturën e kullimit, argjinatura dhe në digen e rezervuarit të Shtodrit.

* Në Bogë-Theth dhe në Hani i Hotit-Tamarë në lartësinë mbi 1200m ka pasur reshje dëbore