Kreu i Shoqatës për Mbrojtjen e Konsumatorit dhe Prodhuesit, Ervin Resuli foli në një intervistë për Euronews Albania rreth problematikës së rritjes së çmimit të bulmetit.
Sipas tij në këto momente nuk mund të ketë lëvizje sepse nuk mund të justifikohet rritja e çmimit të qumështit.
“Përqindja e blegtorëve që dorëzojnë qumështin në industrinë e qumështit nuk është në nivelin maksimal, ndërsa periudha kryesore kur blegtorët bëjnë dorëzimet është mars-prill. Rritja e çmimit të nënprodukteve që derivojnë nga ky qumësht që në periudhën shkurt konsiderohet abuzive,” – u shpreh Resuli.
Qumështi dhe bulmetet e ambalazhuar që përpunohen në vend, nuk do të shtrenjtohen. Lajmi vjen nga drejtuesit e fabrikave, të cilët mohojnë që të kenë marrë vendim për rritje të çmimeve pas datës 15 shkurt.
LEXONI GJITHASHTU:
- ‘Bulmetet nuk do shtrenjtohen’, fabrikat kërkojnë formalizim të sektorit
- Rritet 25% çmimi i bulmetit dhe vezëve
