Rexhepi: Telefoni i ‘Rrumit’ ka dy vite në prokurori, pse nuk u ekzaminua më parë?

Çështja e Aleksandër Lahos i njohur si “Rrumi i Shijakut”, është rikthyer sërish ditët e fundit në qendër të mediave pasi SPAK ka lëshuar urdhër për arrestimin e tij.

Eksperti i kriminalistikës Artan Rexhepi, i ftuar në emisionin “Review” në Euronews Albania është shprehur se pas kësaj çështje e cila është fshihet ndonjë biznesmen tjetër, duke shtuar se SPAK që dy vite ka pasur në dorë telefonin e Lahos dhe kishte mundësi që ta ekzaminonte më parë.

“Çështja e Rrumit të Shijakut, është një çështje që del jashtë nivelit të një inspektorit të avokatit të shtetit. Shteti kishte mundësinë ta ndiqte në apel atë çështje. Unë shikoj aty një mungesë vullneti. Pse pikërisht sa u ndërruan pushtetet u dhunua biznesmeni libanez. Kaq i pazoti ka qenë biznesmeni? Pse po lëvizet tani? Unë them se do të jetë prapë ndonjë biznesmenë tjetër mbrapa. Intuita më çon se pas kësaj është një biznesmen i madh. Rrumi po del nga loja. Telefoni i tij ka që dy vite në SPAK. Sa kohë do që të bëhet ekzaminimi i një telefoni?”- theksoi ai.

Pëllumb Muharremi, i njohur ndryshe si Aleksandër Laho dhe i thirrur mes shokësh dhe të njohurish me nofkën “Rrumi”, po kërkohet të arrestohet.

Urdhri është lëshuar nga SPAK pak ditë më parë. Prova e vetme me të cilën SPAK-u ka lëshuar një urdhër-arrest dhe i kërkon Policisë ta arrestojë të fortin e Shijakut, është vetë telefoni i tij, thotë Prokuroria e Posaçme, telefon që sipas hetimeve ka mbartur një video ku është regjistruar një takim i “Rrumit” me një përfaqësues të Avokatisë së Shtetit.

https://youtu.be/gOUPjM88TbU

LEXONI GJITHASHTU: 

• “Çfarë do i bëjë prokuroria ‘Rrumit’?”Cakrani: Akuza për të s’është subjekt i SPAK
• Gazetari: Ngjarja ndaj biznesmenit libanez ka qenë e paralajmëruar
• Cakrani: Në arkivat e shtetit janë futur dokumente të falsifikuara për pronat