Rezoluta e PS, Alibeaj: Synon ndërhyrjen në reformën në drejtësi përmes Parlamentit

Nënkryetar i Partisë Demokratike Enkelejd Alibeaj tha në një deklaratë për mediat se propozimi i PS-së për një Komision të Posaçëm me opozitën, synon që të ndërhyjë në Reformën në Drejtësi.

Teksa iu referua rezolutës së PS të prezantuar një ditë më parë gjatë mbledhjes së kryeministrit Edi Rama me deputetë e ministra, Alibeaj tha se synimi është të ndërhyhet në Reformën në Drejtësi nëpërmjet Parlamentit.

“Nuk e fshehin teksa në pikën 8 thonë që për këtë synim do të ngrihet një komision i përhershëm parlamentar. I hetuari kërkon të ndryshojë rregullat e atij që heton. Do ta bëjë duke përfshirë Kuvendin”, tha ai.

LEXONI GJITHASHTU:

• BE miratoi Planin e Rritjes për Ballkanin Perëndimor, Rama: Moment historik
• Rezoluta kundër korrupsionit, Gogu ftesë opozitës t’i bashkohet: Qëllimi që ka