Rezultati i zgjedhjeve, qarqet ku është dobësuar dhe forcuar PS

Në dy proceset e fundit të zgjedhjeve parlamentare, Partia Socialiste ka garuar e vetme dhe ka marrë thuajse një rezultat identik.

Në zgjedhjet e 30 qershorit 2017, PS siguroi 48.34% të votave kurse në procesin e 25 prillit, kur janë numëruar mbi 90% të votave, ka marrë 48.62% të votave.

Edhe sa i takon mandateve, duket se do të përsëritet sërish 2017 pasi PS mund të përfundojë me 74 mandate (aktualisht ka 73).

Në krahasim me 2017, PS ka shtuar nga një mandat në Berat dhe Elbasan ndërsa ka humbur nga një deputet në Durrës, Fier dhe Shkodër.

Dibra dhe Gjirokastra kanë nga një mandat më pak në krahasim me 2017, këto mandate i janë shtuar Tiranës, kjo bën që për PS të mos ketë ndryshim duke qenë se ka ruajtur rezultatin e katër viteve më parë, por kundërshtarët e saj kanë marrë më pak mandate.

Ndërkohë që tek mazhoranca situata duket një fotokopje e katër viteve të kaluara, në kampin e opozitës situata duket disi ndryshe.

30 Qershor 2017

PS – 74 mandate / 48.34%

PD – 43 mandate / 28.85%

LSI – 19 mandate / 14.28%

PDIU – 3 mandate / 4.81%

PSD – 1 mandat / 0.95%

25 Prill 2021

PS – 73 mandate / 48.61%

PD – 59 mandate / 39.38%

LSI – 5 mandate / 6.92%

PSD – 3 mandate / 2.25%

Qarku                   2017/2021

Berat                     4/5

Dibër                     2/2

Durrës                   8/7

Elbasan                 7/8

Fier                        10/9

Gjirokastër          3/3

Korçë                     6/6

Kukës                    1/1

Lezhë                    3/3

Shkodër               4/3

Tiranë                   18/18

Vlorë                     8/8

*Dibra dhe Gjirokastra kanë nga një mandat më pak në krahasim me 2017, këto mandate i janë shtuar Tiranës.