Rezulton fitues, përfaqësuesi i të djathtës ekstreme: Macron të shpërndajë qeverinë

Sondazhet për zgjedhjet për Parlamentin Europian në Francë nxorën fituese me 30% të numrit të votave partinë e ekstremit të djathtë të Marine Le Pen ‘Rally National’.

Sipas mediave të huaja, duke folur para mbështetësve, shefi i listës së Rally National (RN), Jordan Bardella ka thënë se francezët kanë dhënë një “vendim pa apel” duke i dhënë partisë së tij më shumë se 30% të votave. Kjo është më shumë se dyfishi i asaj që arriti të marrë partia e Presidentit Emmanuel Macron (15%), sipas sondazheve.

Mediat franceze kanë raportuar se Presidenti Macron do të ndërmarrë hapin e pazakontë për t’iu drejtuar kombit me një fjalim më vonë këtë mbrëmje.

“Ne e mirëpresim këtë vendim me përulësi dhe seriozitet. Bashkëmoshatarët tanë francezë kanë shprehur dëshirën për ndryshim. Ky mesazh i qartë për liderët evropianë tregon vullnetin e francezëve për të parë që Evropa të ndryshojë kursin,” tha Bardella.

“Një erë shprese po fryn mbi Francë dhe është vetëm fillimi”, shtoi ai.

“Presidenti nuk mund të qëndrojë i shurdhër ndaj mesazhit të dërguar sonte nga populli francez”, tha ai më tej.

Ai tha gjithashtu se presidenti Macron duhet të shpërndajë qeverinë dhe të thërrasë zgjedhje të përgjithshme.

LEXONI GJITHASHTU:

• Sondazhet për zgjedhjet në PE: Ekstremi i djathtë i Le Pen mposht partinë e Macron
• Greqia ngjyroset blu| Exit Poll: Partia në pushtet merr shumicën në zgjedhjet për PE