Rikthehen hijet e hakmarrjes të 97-ës në Vlorë, kush është i ‘forti’ që iu vra djali

Vrasja e 23-vjeçarit Gëzim Sinomataj në Vlorë një ditë më parë, ka sjellë në vëmendje edhe njëherë përplasjen e bandave të viteve 1997-2000. Gëzim Sinomataj është djali i Sokol Sinomataj, një prej anëtarëve të grupit të Gazmend Brakës, i njohur ndryshe si “Gaxhai”.

Grupi kriminal i krijuar në vitet e errëta 97’ bëri krime nga më të ndryshmet, si vrasje, pengmarrjeve, edhe sulm ndaj komisaritatit. Pjesë e grupit ka qenë edhe Sokol Sinomataj, i njohur ndryshe me nofkën “Buzëderri”. Ky i fundit në vitin 2000 është dënuar për vrasjen e Luigj Xhafës, i cili në fakt rezultoi se u vra gabimisht, pas tentativës për të ekzekutuar Sokol Nuhon. Mbi të kanë rënduar disa akuza, pasi ka qenë i përfshirë në disa ngjarje kriminale.

Në qytetin e Vlorës në atë kohë, filluan të ushtrojnë aktivitetin e tyre kriminal tre grupe. Më konkretisht grupi i Xhelitajve në Lagjen “Çentrale”, grupi i Zanit në Lagjen “Çole” si dhe grupi i “Gaxhait”. Gazmir Braka i njohur si “Gaxhai”, së bashku me anëtarët e bandës Armando Sulejmani “Çipuri”, Sokol Sinomati “Buzderi”, Edmond Leskaj, Gazmend Nebiu ose (Kakami) si dhe disa persona të tjerë, tashmë të vdekur apo të paidentifikuar, në atë periudhë kishin rivalitet të hapur me Zani Çaushin.

Sulmi i fundit ndaj familjes Sinomataj ishte 2 vite më parë, kur vëllait të Sokolit, Bernardit i vunë tritol në automjet. Ndërkohë, shokët e grupit, një pjesë e madhe janë vrarë, ndërsa edhe ata që jetojnë akoma kanë qenë shpesh pre e sulmeve me armë.

LEXONI GJITHASHTU:

• Publikohet fotoja e 23-vjeçarit të vrarë me snajper në Vlorë
• Vrasja në Vlorë, policia: Është qëlluar me armë, viktima një 23-vjeçar
• Doli në ballkon për cigare, u qëllua me snajper në kokë. Si ndodhi atentati në Vlorë